Cuando ya llega el maga Espaņol aqui na barrio del Tetuan ta aparece este como un lugar cerca na bucana del un rio. Aquel tiempo este lugar ta llama maga nativo como "Lama-Lama", cay aqui ta queda si Datu Lama.
Cuando el maga Espaņol ya mira este lugar, ya acorda sila el sitio de Tetuan na Morocco, alla na Espaņa. Ya llama sila tamen este lugar Tetuan.
El maga Espaņol ya hace el San Ignacio el Patron del Tetuan. Este ya sigue con soldao mentao por su notable reputacion y vallienterias.
Ansina se paqui modo ya saca este lugar el nombre de Tetuan.
ZAMBOANGA
CHABACANO FOLK LITERATURE
by: ORLANDO B. CUARTOCRUZ, EA. D.
Sponsored by TOYOTA Foundation, Tokyo Japan